OMBRA AMICA di Giuseppe Carullo







Na macchia verde mmiez’’e carre scure
c’’a vita ‘e chi fatica fa cchiù doce.
Nu ‘mbrello ‘e fronne, ‘na vrancata ‘e sciure,
nu muorzo d’ombra quanno ‘o sole coce.
Nu poco ‘e villa, n’angolo ‘e ciardino
addò ‘na funtanella murmuléa,
n’auciello canta nu motivo fino
e n’arillo, capòteco, zerréa…
‘Nnanze a stu quadro, mmziez’a sta pittura,
‘na Croce t’arricorda a tutte ll’ore
‘o miracolo eterno d’’a natura
e te mette ‘a preghiera dint’’o core.
Dint’’a nuttata scenne n’Ombra, amica
‘e chi campanne onesto è cchiù felice.
‘O guarda ‘e spalle a st’ommo che fatica
e cu ‘na Mano Santa ‘o benedice.

Commenti

Post popolari in questo blog

IL CAMEO DI BABA'

VIVA MASSIMO!

IN NOME DELLA MADRE - ERRI DE LUCA