STRADA D''E SUONNE di Giuseppe Carullo





Na strada
canusciuta
pe' mme
scanusciuto
addò
a nu balcone
è rimasto attaccato
nu pezzullo
'e giuventù.
Na Chiesa
pittata
'e ianco
paisano
c'addora
'e ncienzo 'e campagna
cu na campana
che conta ll'ore
e mmesca 'o suono
c''o frastuono
d''a città.
Na strada
canusciuta addò
pe' mmè scanusciuto
ogni vico
è nu suonno
ogni preta
è nu penziero
ogni passo
è nu ricordo.
(G. Carullo)
 

Commenti

Post popolari in questo blog

IL CAMEO DI BABA'

VIVA MASSIMO!

IN NOME DELLA MADRE - ERRI DE LUCA